Сусветны дзень роднай мовы міжнародная супольнасць будзе адзначаць 21 лютага, але наша школа загадзя пачала святкаваць гэты дзень
Яшчэ два тыдні таму вучні атрымалі заданне стварыць школьны стыкерпак на беларускай мове. Калі настаўнікам заданне падалося няпростым, то школьнікі за лічаныя гадзіны стварылі свае стыкеры. Прычым стварылі ў мэсэнджэрах “Viber” i “Telegram”. Некаторыя дзеці малявалі фламастарамі і алоўкамі. Работы дзеці выконвалі самастойна і групамі, як гэта было ў 3 “Б” класе. Вельмі прыемна, што бацькі не стаяць убаку, а працуюць разам са сваімі дзецьмі, ва ўсім ім дапамагаюць. Стыкерпакаў было створана вельмі многа, таму 22 лютага выстава будзе абноўлена.
19 лютага сярод вучняў 6 “А”, 6 “Г”, 6 ”Ж” класаў настаўнік беларускай мовы і літаратуры Шапялевіч А.У. правяла лінгвістычную гульню “Марскі бой”. Дырэктар школы Каляда Н.Г. адзначыла высокі ўзровень арганізацыі гульні, а таксама выдатныя веды ўдзельнікаў каманд. Пераможцы атрымалі сваю ўзнагароду, а вучні 8-9 класаў падарылі камандам, а таксама ўсім удзельнікам мерапрыемства песню “А дзе жывеш ты?”
20 лютага наша школа працягвае святкаваць Міжнародны дзень роднай мовы. Усе наведвальнікі шостага школьнага дня могуць сфатаграфавацца ў невялічкай фотазоне “Ў нескладовае”.
Лінгвістычная гульня “Турнір знаўцаў роднай мовы” сёння прайшла і для вучняў 6 “Б”, 6 “В”, 6 “Д”, 6 “Е” класаў. Члены журы выказалі падзяку настаўніку беларускай мовы і літаратуры Таўсцяк В.П. за высокі ўзровень падрыхтоўкі каманд, а таксама класным кіраўнікам і ўдзельнікам гульні за падтрымку. Шасцікласнікі на працягу ўсёй гульні паказвалі не толькі свае веды, але і творчыя здольнасці: адбыўся прагляд мультфільмаў, якія па-беларуску агучылі самі вучні.
Удзельнікі атрымалі не толькі граматы, але і салодкія сувеніры.
<iframe allow="accelerometer; autoplay; clipboard-write; encrypted-media; gyroscope; picture-in-picture" allowfullscreen="" frameborder="0" height="300" scrolling="no" src="https://www.youtube.com/embed/oX_d3Df28Mc" width="400"></iframe>
