17 лютага у школе прайшоў турнір "Знаўцы роднай мовы", прысвечаны Міжнароднаму Дню роднай мовы
Роднае слова – люстэрка культуры народа, яго духоўнае аблічча. Мова – наша спадчына, якую мы атрымліваем ад бацькоў і павінны перадаць наступным пакаленням. 21 лютага - міжнародны Дзень роднай мовы. Нам у спадчыну засталася ўнікальная мова – жывая і мілагучная, песенная і паэтычная, старажытная і сучасная.
Вучні 4 "В" класа вырашылі далучыцца да гэтага свята. Яны зрабілі так, каб наша беларуская мова гучала і ў сценах класа, і ў іх сэрцах. Дзеці прынялі ўдзел у турніры «Знаўцы роднай мовы». Цікава і пазнавальна прайшла гульня, вучні адправіліся ў цікавае падарожжа па неабсяжнай краіне нашай роднай мовы. На мерапрыемстве яны дакрануліся да вытокаў народнай мудрасці: адгадвалі загадкі, састаўлялі прыказкі і прымаўкі, чыталі вершы на роднай мове, тлумачылі значэнне фразеалагізмаў. Вучні яшчэ раз пераканаліся, якая прыгожая і меладычная мова нашых бацькоў і дзядоў. На працягу гульні каманды дэманстравалі сваю пазнавальную актыўнасць і маўленчую культуру, інтэлектуальныя здольнасці.
